O kɔfε Malidenw yεrε dama ni MINUSIMA ye lajε kε jεkulu dunanw tun t’o kεnε kan. O dabɔra bεnkan min bε ka ɲinin sɔrɔdasikanw latεmεncogo la Mali ma MINUSIMA taalen kɔfε, o fεsεfεsεli la.
A lajε fila bεε ɲεmɔgɔya tun bε Dr Madu Jalo bolo. Ale ye lasigiden ye kɔkankow ni diɲε tɔnbaw cε koɲεnabɔ minisiriso la. Ɲεmɔgɔba fana don yen. Bεnkan min don, a bε tali kε MINUSIMA tɔgɔla sɔrɔdasikanw n’u baarakεminεnw latεmεncogo la Mali ma. Sariyasen 6 bε bεnkansεbεn in kɔnɔ sɔrɔdasikan ninnu bilacogo la MINUSIMA fε.
Dr Madu Jalo ka fɔ la, gɔfεrεnaman ye jεkulu kεrεnkεrεnnen sigi senkan kɔkankow minisiriso la kumaɲɔgɔnya nasira la ni MINUSIMA ɲεmɔgɔw ye. Basigi sabatilijεkulu ka sariya 2690 ye dantigεli kε cogo min na MINUSIMA bɔcogo la, u ye hakili falen k’o kan. Baaraw bolila masalakun saba kan : fɔlɔ kεra MINUSIMA tɔgɔla sɔrɔdasikanw labilacogo ye Mali ye. Filanan kεra fan fila kelenna ka kεta kofɔlenw fεsεfεsεli kan. Sabanan kεra sɔrɔdasikan ninnu labilacogo kɔlɔsicogo kan ka bɔ ka taa yɔrɔw lajε.
Dr Madu Jalo ka fɔ la, yɔrɔw bε sεgεsεgε fɔlɔ k’a dɔn ni fεnw tε yen, minnu bε se ka dan kari sigida n’a lamini na, ani fεn suguya minnu b’u kɔnɔ k’o jate bɔ. A jirala k’o baaraw bε ka kε a ɲεma. Sɔrɔdasikan fɔlɔ min latεmεnna Mali ka bolo kan, o ye Ogosagu ta ye. Bεri ni Gundamu taw labilala Mali ye kunun alamisa utikalo tile 10 san 2023.
Fεn min ye MINUSIMA bɔli ye Mali kɔnɔ, o bε ka kɔlɔsi. MINUSIMA ka kεta dɔ tun ye Alize bεnkansεbεn waleyali kɔlɔsili, furancεlafanga dεmεnni ani hadamadenya ɲεtaako dɔw sigili ye senkan sigidaw la. Jateminεw bε sen na o poroze daminεnenw kan, MINUSIMA mana taa, k’a dɔn gɔfεrεnaman bεna se ka tεmεn ni minnu waleyali ye. Nka, o siratigε la, ONU ka jεkulu min ɲεsinnen bε jamanaw dεmεnni ma, o b’a jɔ ni ko dɔw waleyali ye, gɔfεrεnaman fana kun b’a dɔw kɔrɔ. Dεmεnbaaw nafoloko ni wariko la, olu yεrε ka kεtaw bε yen. Nin ko bεε de ɲεmɔgɔya tun bε MINUSIMA bolo.
Wulikajɔw bε sen na, min b’a to bεnkanw ka se ka dalakεɲε, MINUSIMA ka bɔ Mali kɔnɔ ka bεn ni baaraw bolodacogo ani sarati dalen ye. MINUSIMA tɔgɔlamɔgɔ y’a jira, ko MINUSIMA kɔni bε taa ka bɔ Mali kɔnɔ, nka ONU ni Mali bε to ɲɔgɔn bolo.
Rédaction Lessor
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
