Ntolantan fɔlɔ ye Mali ni Sudandisidi ye. A n’o bε ɲɔgɔn sɔrɔ sεtanburukalo tile 08 san 2023 « 26Mars » la Bamakɔ, KANI Kɔnɔwari san 2023 ɲεbilatantolantanw tile 6nan n’a laban kuncεli hukumu kɔnɔ.
O kɔfε Mali ni Kɔnɔwari bε ɲɔgɔn sɔrɔ teriyantolantan na sεtanburukalo tile 12 san 2023 Abijan.
Nka Mali ni Sudandisidi ntolantan mana bɔ da o da fε, sebaaya bε Mali bolo kaban KANI kεnε lasɔrɔli la.
Mali-Sudandisidi ntolantan kama, degelikaramɔgɔ Eriki Seku Sεli ka ntolantanna 25 welelenw cogoya filε : jɔkɔlɔisila 3 : kɔfεmɔgɔ (defansi) 8 ; cεmancεmɔgɔ (miliye) 8 ani ɲεfεmɔgɔ (atakan) 6. Mɔgɔ minnu tun famana ka ye Samatasεgεw fε, o mɔgɔ 04 b’a la. Iwu Bisuma, Musa Jεnεpo, Siku Ɲagate, ani Lasini Sinayɔkɔ. Nka mɔgɔ fila tεna ye. Amadu Hayidara « Tutu » ani Ɛli Bilali Ture.
Dɔkala Yusufu JARA
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Laɲinin tun ye bugunnatigεsεbεn biyometiriki miliyɔn 8 min dilanni ye baara kun fɔlɔ la, miliyɔn 5.733.428 sera ka dilan o la. Nka kɔlɔsili la, Malidenw tε ka bɔ kosεbε fɔlɔ, ka taa u ka sεbεn dilannenw minε..
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
