A kεra kasaara ye : Mɔgɔ 1 ni tora a la, ka 43 jogin ; mɔgɔ 18 b’olu la minnu ka joginni ka jugun kosεbε. Siwiliw lakananni cakεda ni zandaramaw ani sididalamɔgɔw ka dεmεn kosɔn, mɔgɔ joginnenw sera ka lase Bila kεnεyasoba la. Mɔgɔ 18 minnu sεbεkɔrɔ joginna, olu tara ka sin Segu la ni Bila kεnεyasoba banabaatɔtamɔbili ani mɔgɔ ŋaniya ɲumantigi dɔ ka mɔbili 4x4 ye.
Kunnafoniw y’a jira ko mɔgɔ caman ka joginni ye sen, walima bolo tigεli ye ka bɔ u la. O bε kasaara in juguya kofɔ kosεbε. Mɔgɔ 1 min ni tora a la, o ye denmisεnnin san 5 dɔ ye. Nka mɔbilibolila n’a ka degeden, hali kala m’olu waasi.
Katakatanintigi y’a yεrε ɲinin. A taara k’a ka moto falen to baramaw, dεbεnw, tobilikεminεnw ani palanw na. Zandaramaw ye sεgεsεgεli daminε. K’a daminε mɔbili binni kunnafoni sɔrɔli la fo ka jama carin waati min na, Bila dugumɔgɔw ka dεmεn ma kɔtigε.
Dɔkala Yusufu JARA
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Laɲinin tun ye bugunnatigεsεbεn biyometiriki miliyɔn 8 min dilanni ye baara kun fɔlɔ la, miliyɔn 5.733.428 sera ka dilan o la. Nka kɔlɔsili la, Malidenw tε ka bɔ kosεbε fɔlɔ, ka taa u ka sεbεn dilannenw minε..
