Sariyasunba kura min filε sanga la sisan Mali kɔnɔ, o bε mɔgɔw yεlεma-yεlεmani kɔn politikitɔnw cε, u sugandilen kɔ tɔn dɔ tɔgɔ la. Sariyasunba in saririyasen 106 b’a sεmεntiya, ko depite walima senatεri fεn o fεn mana walan sεmεn ka bɔ a ka tɔn na, jɔyɔrɔ dɔ sɔrɔlen, o bε segin ka labila ka bɔ o jɔyɔrɔ in na. Ka bɔ tɔn dɔ la ka don dɔwεrε la, o bε jate walan sεmεnni ye. Ni mɔgɔ min b’a fε ka bɔ tɔn dɔ la, ka don dɔwεrε la, a b’a jɔyɔrɔ labilali kε sεbεn ye. Depite walima senatεri mana walan sεmεn, a nɔnabilacogo dantigεlen don sariya fε. Mɔgɔw yεlεma-yεlεmani tɔnw cε ten u yεrε ma, o banna pewu Mali kɔnɔ.
Jamana sariyasunba kura waleyali yamaruya dili sibiri zuluyekalo tile 22 san 2023 furancεlafanga jamanakuntigi Kolonεli Asimi Goyita fε, o bε politikiko gεlεya dɔ furakε. Jamana sariyasunba lafasabulon y’a sεmεntiya, ko awɔ ye sebaaya sɔrɔ ayi kan ni 96,91% ye zuwεnkalo tile 11 an’a tile 18 kandili kalataw la. Dεsεko min tun bε politikiko la n’o ye mɔgɔw sugandilen kɔ u ka tɔnw tɔgɔ la, ka bila jɔyɔrɔw la, olu tun bε bɔ ka don tɔn wεrε la u yεrε ma, ka tɔn jigi tigε, ka tɔnden tɔw jigi tigε.
Lakɔlikaramɔgɔ-ɲininnikεla min ɲεsinnen bε politikiko ni hadamadenyakow ma sannayεlεnkalansoba « Ensup » la n’o ye Bakabiɲi Keyita ye, o ye hakilila dɔw di sariyasunba sariyasen 106 kunkan.
A ka fɔ la, sariya tε mɔgɔ bali ka don tɔn dɔ la, walima ka bɔ a la ; nka fεn min ye i sugandilen kɔ yεlεmani ye, a b’o de kɔn. A ko sariya ma dantigεli kε fana, politikitɔn k’a ɲinin a tɔgɔlamɔgɔ ka falen jɔyɔrɔ sɔrɔlen kɔfε. Depite walima senatεri jɔyɔrɔ mana tila a la, ka da sababu o sababu kan, o y’a ka tɔn fana bolo bɔlen ye wo fε o jɔyɔrɔ in na. Nka Bakabiɲi Keyita fεla la, o kɔlɔlɔ man kan ka yεlεn a ka tɔn na.
Wa a b’a ɲinin sariya ka ta, min bε jɔyɔrɔ garanti mɔgɔ bolo, a kεlen kɔ ka walan sεmεn ka bɔ a ka tɔn na. Mali sariyasunba kura bε yεrεsagokε kɔn politikitɔnw kɔnɔ, k’u bεn ni bεεjεfanga taabolo ye. A bε mɔgɔ fεgεnmanw lafasa girinmanw ɲεkɔrɔ, ka damakεɲε sabati u ni ɲɔgɔn cε.
Politikitɔn « Cnid » ɲεmɔgɔba Mεtiri Muntaga Tali fana ka fɔ la, ni mɔgɔ min ma ɲε yεlεmani kɔ ka taa tɔn dɔ la ka don dɔwεrε la jɔyɔrɔ dɔ sɔrɔlen kɔfε, o jɔyɔrɔ ka bɔɔsi a la, k’a to tɔn bolo. Sabula dɔ tε se ka dɔlɔ min, dɔwεrε k’o ŋaana-ŋaanakan fɔ. Ka kanpaɲi kε tɔn tɔgɔ la jɔyɔrɔ ɲininni na ; o jɔyɔrɔ sɔrɔlen k’i pan ka bɔ tɔn na ka yεlεma tɔn wεrε la n’o jɔyɔrɔ ye, o ye lagosili ye ka ɲεsin tɔn ma.
Dɔkala Yusufu JARA
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Laɲinin tun ye bugunnatigεsεbεn biyometiriki miliyɔn 8 min dilanni ye baara kun fɔlɔ la, miliyɔn 5.733.428 sera ka dilan o la. Nka kɔlɔsili la, Malidenw tε ka bɔ kosεbε fɔlɔ, ka taa u ka sεbεn dilannenw minε..
