A bε ɲinin kuruntigiw n’u ka taamadenw fε, u k’u janto u yεrε la kosεbε baw fawaati in na
Siwiliw lakananbaaw ka dεmεn kosɔn, mɔgɔ 6 ni sera ka kiisi ani ka su 2 sɔrɔ k’u labɔ ji la. O ɲεnama fila la, kelen ye cεmannin san 20 ye, kelen ye musomannin san 12 ye. O dugu jε nεgε kanɲε 7 waati la, su 5 wεrε sera ka sɔrɔ ni mɔnnikεjɔ ye. Musomannin 4 b’o la, minnu si hakε b’a ta san 12 la, ka se 13 ma ; ani cεmannin san 14 dɔ.
Kabini kasaara in kunnafoni sera San mara gɔfεrεnεri Kolonεli Usumani Sangare ma, o ye mɔgɔw da a yεrε kan ka taa duguwu kε. Politiki ɲεmɔgɔw, fanga ɲεmɔgɔw ani lakananbaaw tun b’o la. Suturaliw fana kεra u ɲεna.
Gɔfεrεnεri ye mara ɲεmɔgɔw ka taasila lase ka ɲεsin banbaatɔw ma, ani ka dugawu kε u ye. O kɔfε, a sɔrɔla ka laadilikan di kuruntigiw n’u ka taamadenw ma, bεε k’a janto a yεrε la baw fawaati in na. Furancεlafanga jamanakuntigi tɔgɔ la, Kolonεli Usumani Sangare ye donbolo kε furew somɔgɔw ye.
Dɔkala Yusufu JARA
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Laɲinin tun ye bugunnatigεsεbεn biyometiriki miliyɔn 8 min dilanni ye baara kun fɔlɔ la, miliyɔn 5.733.428 sera ka dilan o la. Nka kɔlɔsili la, Malidenw tε ka bɔ kosεbε fɔlɔ, ka taa u ka sεbεn dilannenw minε..
