Furancεlafanga kuntaala tεna tεmεn san saba kan. Nin kunnafoni in lasera u ka jamana telewisɔnso la sibiri utikalo tile 19 san 2023 Zenenerali Abudarahamani Tiyani fε. Laseli in kεra Sedeyawo ka cidenw bɔlen kɔ u bara, bεn ɲininni siratigε la Nizεri faama kuraw ni Sedeyawo cε. Sɔrɔdasiw ka jεkulu min bε wele tubabukan daɲε surun na (CNSP), o ye fangadafiri kε Nizεri zuluyekalo tile 26 san 2023 ; o de selen tε ka da Sedeyawo la.
Zenerali Tiyani ka laseli kɔnɔ, a ye kangarimada kε ka ɲεsin fanga kɔrɔ senkɔrɔmadonbaaw ma kɔkan n’u ye kεlε wuli ka Nizεri sεgεrε. A ko olu sɔrɔdasiw ka laɲinin tε fanga sɔrɔli ye. Nka ni mɔgɔ o mɔgɔ k’i bεna Nizεri kεlεli kama, o tεna kε hεrε y’o bolo. O kuma in fɔra ka da Sedeyawo ta kan, k’a labεnnen don ka kεlε wuli Nizεri kama, ni sɔrɔdasi kuraw ma Mohamεdi Bazumu bila, k’a sigi fanga la a nɔ na.
« CNSP » ɲεmɔgɔba in labanna k’a jira, ko sigikafɔba bεna kε jamanadenw cε kalo kelen kuntaala kɔnɔ. O kun ye bεε k’a hakilila jira n’a y’a sɔrɔ a b’a kunbɔ sariyasunba kura ka labεn. Sɔrɔdasikulu dunan dɔ de ŋaniya ye ka Sedeyawo su ka kεlεbolo sigi senkan, ale k’a melenge la, ka kεlε wuli ka na Nizεri kama, ka Nizεri minε ka di o sɔrɔdasikulu ka jamana ma, a k’a sago kε a la. O de kosɔn Sedeyawo ye ɲangili juguw ta ka ɲεsin Nizεri ma.
Ka kɔn sibiri ɲε utikalo tile 19, Sedeyawo ye ciden dɔ bila ka na Nizεri fangatigi kuraw kumaɲɔgɔnya. U ɲεmɔgɔya tun bε Nizeriya jamanakuntigi kɔrɔ Abudulusalami Abukari bolo. O y’a sɔrɔ Alizri ye kangarimada kε, ko Sedeyawo kana a fɔ k’a bε nin ko in furakε ni kεlε wεrε ye. U ka sinsin fɔkabεn kan, fanga segincogo la demokarasi sira ma. Ka da a kan tarikuw b’a jira, ko kεlε wulila gεlεya o gεlεya furakεliko la, o labanna masiba la.
O la, a bε ɲinin fɔkabεn ka kε, walasa laɲinin tε min ye o kana bɔ a kɔnɔ. Sabula an ka nsana dɔ b’a fɔ ko « n donna, n ka ma fεn ta, i donbali tun ka fisa n’o ye ». O siratigε la, Alizeri b’a ɲinin Sedeyawo ni Nizεri fε, u k’u yεrε minε kεlε la ; u kana dusu bila hakili ɲε.
Dɔkala Yusufu Jara
Dɔkala Yusufu JARA
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Laɲinin tun ye bugunnatigεsεbεn biyometiriki miliyɔn 8 min dilanni ye baara kun fɔlɔ la, miliyɔn 5.733.428 sera ka dilan o la. Nka kɔlɔsili la, Malidenw tε ka bɔ kosεbε fɔlɔ, ka taa u ka sεbεn dilannenw minε..
