A bεnna ni desantaralizasɔn tɔgɔladon laɲεnamayali ye. O min ye laɲεnamaya san o san utikalo tile 10 Afiriki kelenya tɔnba jamanaw fε. Masalakun tun ye « Afiriki jamanaw kominw bε se ka sendon cogo min na ZLECAF baaraw la yiriwali sabatili kama ». Baara ɲεmɔgɔya tun bε mara ni desantaralizasɔn minisiriso sekeretεri zenerali Adama Sisuma bolo. ENA ɲεmɔgɔba Adama Jara ni Mali kominiw ka jεkulu (AMM) ɲεmɔgɔba Yakuba Tarawele tun b’a kεnε kan.
Hakilijakabɔkεnε in laɲinin ye sigidaw desantaralizasɔnko an’a yiriwaliko tigilamɔgɔw sendonni an’u wulikajɔli ye Afiriki kelenya tɔnba ka yanni san 2063 cε, baarabolodalen kunkankow la. A b’a to fana, baara bolodara cogo min na, minnu waleyara ani minnu ma se ka waleya, baara kεbaaw ka to k’o dantigεliw kε san o san desantaralizasɔnko ni yiriyaliko nasira la.
Mara ni desantaralizasɔn sekeretεri zenerali y’a jira, ko yεlεma ɲuman donni fangabulonw cogoyaw ani mara kεcogo la, o kɔfε, hakilila kura caman wεrε talen don san 2023 in kɔnɔ, dɔ farali la kominiw sekow kan, u ka se k’u jɔyɔrɔ fa a ɲεma sigidalamɔgɔw haminanko gεlεnw waleyali la.
O ko wεrε dɔw ye kominiw nafolo kεcogo bilali ye εntεrinεti kan minεn kεrεnkεrεnnen kɔnɔ, mɔgɔ wεrεw bε se k’a lajε cogo min na. O minεn in de bε wele (ReCoDe), komini 645 kama, 815 cεla. Ka fara marayɔrɔw dεmεnni kan poroze nafamaw sigili la senkan. Olu ka se ka kε baara sɔrɔli ani sɔrɔ yiriwali sababuw ye sigidalamɔgɔw bolo. Komini 102 kiimεni fana b’a la, n’a y’a sɔrɔ ɲεtaa b’a la ka sabati. Nin bεε kun ye kominiw k’u jɔyɔrɔ fa sigida kow tali la ba la.
Rédaction Lessor
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
