Sariya filanan min dajirala, o bε ba don jamana ka cakεdaw la, u b’u ka nafolo don baaraw waleyali dafε.
Mali bulonba kɔnseyew tun dafalen don kunun utikalo tile tile 8 san 2023 u ka lajε balalen kεnε kan. U tun welela o min na jamanakuntigi ka utikalo tile 4 sariya fε. U ye poroze fila fεsεfεsε dugujukɔrɔfεnko kan, ka bεn u kan. N’o ye dugujukɔrɔfεnw ɲininni an’u bɔliko ye Mali dugukolo kan, ka fara sigida ka sariya kan dugujukɔrɔfεnko kelen in na.
Kɔnseyew tun jεnna ni dugujukɔrɔfεnko sariya ye u ka san 2023 zuwεnkalo tile 21 sigili senfε. Dugujukɔrɔfεnw minisiri Pr Amadu Keyita tun y’o sεbεn kɔkɔrɔdonbaa ye bulonba kɔnɔ. A dεmεnbaa tun ye nafoloko ni wariko minisiri Aluseni Sanu ye.
Dugujukɔrɔfεnw nafa ye, u ka se ka yεlεma ɲuman don sigidalamɔgɔw dabolo la jamana kɔnɔ, yiriwali sabati siratigε la. Fεn min ye Mali fanfεlan ye, a jirala ko kabini jamana ka yεrεta waati fo sisan, dugujukɔrɔfεnw bɔli nafa bεrε tε ka se jamana ma. Nin ye sariya tako 7 ye dugujukɔrɔfεnko la : San 1963, san 1970, san 1991, san 1999, san 2012, san 2019 ani san 2023.
Yεlεma kura caman bε san 2023 ta in kɔnɔ ; kεrεnkεrεnnenya la, musaka dɔ dantigεli ka kεɲε ni dugujukɔrɔfεn suguya kelenna ye u ɲininni an’u bɔli kunkɔrɔ ; ka jamana sinsinyɔrɔba dɔ kε a ka dugujukɔrɔfεnw ye ; jamana tun bε jεn a ka hakε min kɔ dugujukɔrɔfεnw bɔli la, o binni ka bɔ yen ; damakεɲε donni dugujukɔrɔfεnw ɲininni an’u bɔliko la, ɲεnawoloma/fisamanciya kana kε a la.
Sariya kura in bε dantigεli kε dugujukɔrɔfεnw ɲininni an’u bɔli la, u yamaruyasεbεn ka se ka sɔrɔ waati kuntaala bεrε bεnnen kɔnɔ, TWA/TVA ɲuman sigili u kan ; a ko bεε ɲεnabɔli yɔrɔ jɔnjɔn jεlenya kɔnɔ. Ani fana, gɔfεrεnaman ni faso kεnyεrεyew niyɔrɔ dita baaraw waleyali la, o bεna faranfasiya.
Fεn min ye sigida ka sariya fanfεlan ye dugujukɔrɔfεnko la, o sinsinnen bε faso cakεdaw dεmεnni kan u ka baaraw waleyacogo ɲuman na, u ka farinya k’u bolofεnw don a baaraw dafε. O b’a to u ka farinya fana ka baarakεlaw ta sigidaw la yen, dunan tata ka dɔgɔya a ko la. O b’a to fana wari min bε sɔrɔ dugujukɔrɔfεnko la, o ka se ka mako ɲε baara suguya wεrεw la.
Rédaction Lessor
Poroze in musaka sefawari miliyari 70 bεna se k’a to dɔnni ɲɔgɔn tε sɔrɔli Lise fila ka se ka jɔ, ani an bε Lise suguya minnu lakodɔn, o saba wεrε jɔli, ka fara lakɔliw dunfεnw sɔrɔli kan. ɲεmɔgɔw baaraw nun donni na.
Soba minnu bε wele suguya (R+1), o dɔ jɔtɔ cunna ni mɔgɔw ye Banankɔrɔnin sibiridon sεtanburukalo tile 16 san 2023, mɔgɔ kelen ni tora o la ka wɔɔrɔ jogin. Bolofεn caman tiɲεna : moto Jakarata 8 b’o la. A kεra midi tεmεnnen kɔfε, zandaramaw dagayɔrɔ la Banankɔrɔnin..
Degelikaramɔgɔ Eriki Seku sεli b’a ka cεdenw dalajε bi ntεnεn sεtanburukalo tile 04 san 2023 ntolantan fila labεnw kama..
Kibaru jugu cunna Malidenw kan sibiridon sεtanburukalo tile 2 san 2023 nεgε kanɲε 10 waati la, ko Salifu Keyita « Domεngo » fatura Faransi, k’a si to san 77 la. A bangera Wɔlɔfɔbugu-Bolobana ka balon tan san 1963 AS Ereyali fε kabini a san 17..
Jamana cεfɔlaba y’a damana fangabulon ye, min bε baara kε a yεrε kolo la. San o san, a b’a ka baara kεlenw laselisεbεn dilan, min kɔnɔko dɔ ye hakεɲininw ani mɔgɔw kunkanko wεrεw ye.
Jamana fila ninnu y’a ŋaniya, k’u fanga kε kelen ye kojugubakε kεlεli la ; o min dagalen b’u dala a bε san caman bɔ. Burukina Faso sɔrɔdasiw ɲεmɔgɔba Kolonεli-Mazɔri Selεsitεn Sinpore ye taama min kε Mali kɔnɔ, o bε ɲεtaako sɔrɔlenw kologirinya..
